林寶玉闊別5年再戰國際選美 購香港特色手信贈佳麗

【本報訊】林寶玉（Connie）月內即將再戰國際選美舞台，對於成敗她並不看重，認為能夠解鎖人生成就已經贏了。

林寶玉在2008年參選工展小姐奪得亞軍而入行，月內她將會飛意大利參加歐洲小姐選美比賽，與五十多個國家的佳麗競逐后冠。相隔5年再踏上選美舞台，Connie稱心態跟當年已不一樣，覺得能夠解鎖人生成就，未選已當贏了。

今次選美是在外地舉行，能夠跟不同國家佳麗交流，她表示很想嘗試這種體驗，加上她每年都會給自己一個成就解鎖，故不論贏輸，都已經為自己的選美路畫上完美句號。她笑言：「今次也當去旅行，冇壓力。」她又希望藉今次選美，可以宣揚香港，故正努力搜購具有香港特色的紀念品送給其他佳麗。

身材一向甚fit的Connie，為了準備今次選美，亦不敢鬆懈，早於半年前已開始keep fit。現年34歲的她，承認體重上較當年選美是有所調整，現時會着重線條美：「之前係冇咁有肌肉，現時外國流行有線條感嘅身形，我維持到身材之餘，都想操返個蜜桃臀、馬甲線，𠵱家都有4嚿格仔餅。」

今次除在身形、服裝上做足準備外，談吐方面亦做足功課，她說：「我都有睇唔同國家選美對答，每日都有搵外籍老師online傾偈，操練英語及接收外國文化，喺課堂中又學到唔同知識，老師知我參加選美，都有教我健康飲食瘦身，雙管齊下。」

談到戰衣方面，她預告設計上會偏向大膽，會有騷美腿或透視裝，現正為服裝問題頭痛，預計要帶備大量服裝，她說：「估計要預備5套戰衣，為了配合選美舞台，除會有性感晚裝外，仲有自己較少着嘅bling bling元素，仲有十幾套休閒服，還要預備鞋同飾物配襯，到時會有助手及造型師同行。」